Монгол Улсын Соёлын яам “Хос бичигтэн яам” арга хэмжээг эхлүүлж бусад яам болон Засгийн газрын агентлаг, харьяа байгууллагуудыг үндэсний бичгээ сэргээхийг уриалж байсан.“Хос бичигтэн яам” арга хэмжээний хүрээнд түүний харьяа байгууллага болох Дэлхийн өв-Бурхан Халдун уул, ТХТГН-ийн хамгаалалтын захиргаа нь албан хаагчдынхаа үндэсний бичгийнхээ чадварыг нэмэгдүүлж, албан хаагч бүр “Хос бичигтэн” болохоор зорьж ажиллалаа. Бид 2022-2023 онд үндэсний бичгийн анхан, дунд шатны цахим сургалтад хамрагдаж байсан бол энэ жил 2024 онд “Монгол хэл, бичгийн боловсролыг нийтийн болон албан хэрэглээний түвшинд зөв хэрэглэж сурах зорилготой “Цахим монгол бичиг” хөтөлбөрийг амжилттай дүүргэлээ.
Эдгээр нь “Алсын хараа-2050”-ын зорилтын “Үндэсний нэгдмэл үнэт зүйлийг бэхжүүлэх үүргийн хүрээнд, иргэдийн монгол хэл, бичгийн түвшнийг жигд дээшлүүлэх, төрийн албан хаагчид үндэсний бичгээ бүрэн хэрэглэж сурах орчин бүрдүүлэх, сурах нөхцөл бололцоог хүн бүрд тэгш хүртээж иргэдийн эх хэл, бичиг үсэг, түүх соёлын мэдлэгийг гүнзгийрүүлэн, өв соёлоо хайрлан хамгаалж, хөгжүүлэн дэлгэрүүлдэг үндэсний үзэлтэй иргэнийг төлөвшүүлж, “Бүх нийтийн соёлын боловсрол”-ын түвшнийг ахиулахад чиглэж байна.Сургалтын багш: Чингис хааны өв, соёлын хүрээлэнгийн ЭША Б.Хүрэлбаатар танд талархсанаа илэрхийлье.
